AQSHda o‘tkazilgan yangi iqtisodiy va ijtimoiy tadqiqotlar bugungi yosh avlod vakillarining oila qurish va farzand ko‘rish borasidagi qarashlari sezilarli darajada o‘zgarganini ko‘rsatmoqda. Bu haqda Zamin.uz xabar berdi.
Atlanta Federal rezerv banki mutaxassislari tomonidan olib borilgan tahlillarga ko‘ra, hozirgi yoshlar avvalgi avlodlarga nisbatan 26 yoshgacha bo‘lgan davrda farzand ko‘rish darajasi bo‘yicha sezilarli orqada qolmoqda. Xususan, statistik ma’lumotlar zumerlar avlodiga mansub 26 yoshli ayollarning atigi 26 foizi kamida bitta farzandga ega ekanligini tasdiqlaydi.
Taqqoslash uchun, xuddi shu yoshdagi milleniallar orasida bu ko‘rsatkich 47 foizni, X avlodida 50 foizni, bumerlar avlodida esa 46 foizni tashkil etgan. Mazkur farqlar zamonaviy jamiyatda hayotiy ustuvorliklarning o‘zgarishi, ta’lim olish hamda iqtisodiy mustaqillikka erishish jarayonlarining uzayishi bilan izohlanmoqda.
Tadqiqotchilar ushbu tendensiya demografik o‘zgarishlarga va kelajakdagi ijtimoiy tuzilmaga ta’sir ko‘rsatishi mumkinligini qayd etishgan.
Izohlar
0