Hindistonning Tamilnad shtatida joylashgan Koimbator shahrida istiqomat qiluvchi Shabana ismli tadbirkor ayol hududda faqat xotin-qizlar uchun mo‘ljallangan yangi sport zalini ishga tushirdi. Bu haqda Zamin.uz xabar berdi.
Mazkur muassasaning o‘ziga xos jihati shundaki, bu yerda musulmon ayollar o‘zlarining kundalik kiyimlari, jumladan, hijob va burqada ham hech qanday noqulayliksiz sport mashg‘ulotlari bilan shug‘ullanishlari uchun barcha sharoitlar yaratilgan. BBC axborot agentligining xabar berishicha, Shabana ushbu loyihani amalga oshirishga o‘zining salomatligi bilan bog‘liq muammolar hamda shahar bo‘ylab ayollar uchun maxsus ajratilgan, qulay va xavfsiz sport zallarining yetishmasligi sabab bo‘lganini ta’kidlagan.
U o‘z tajribasidan kelib chiqib, boshqa ayollar uchun ham sport bilan shug‘ullanish jarayonini yengillashtirishni hamda ularga qulay muhit taqdim etishni maqsad qilgan. Ushbu tashabbus mintaqadagi xotin-qizlarning jismoniy faolligini oshirish va sog‘lom turmush tarzini targ‘ib qilish yo‘lida muhim qadam sifatida baholanmoqda.
Sport zali nafaqat jismoniy tarbiya maskani, balki ayollarning erkin va xotirjam muhitda vaqt o‘tkazishi uchun moslashgan makon sifatida xizmat qiladi.
Izohlar
0