AQSH harbiy razvedkasi Xitoy Xalq ozodlik armiyasining kosmik hududda yo‘naltirilgan energiya tizimiga ega yangi texnologiyani ishlab chiqqanini ma’lum qildi. Bu haqda Zamin.uz xabar berdi.
Pentagon tahlilchilari tomonidan o‘tkazilgan tahlillarga ko‘ra, mazkur tizim kelgusi o‘n yillikning so‘ngiga qadar Yer orbitasida faoliyat yuritayotgan sun’iy yo‘ldoshlar uchun jiddiy xavf sifatida baholanmoqda. AQSH Mudofaa vazirligi Razvedka boshqarmasining hisobotida qayd etilishicha, mazkur qurol turi kosmik infratuzilmani ishdan chiqarish yoki unga to‘g‘ridan to‘g‘ri ziyon yetkazish qobiliyatiga ega bo‘lishi mumkin.
Xitoyning harbiy-kosmik dasturi doirasida amalga oshirilayotgan bu kabi loyihalar mintaqaviy va global xavfsizlikka ta’sir ko‘rsatuvchi omil sifatida ko‘rilmoqda. Mutaxassislar Xitoyning kosmosdagi harbiy salohiyatini oshirishga qaratilgan harakatlari aqshlik harbiylar uchun strategik muammolarni keltirib chiqarishi mumkinligini ta’kidlashmoqda.
Hozirgi kunda Pentagon ushbu texnologiyaning texnik imkoniyatlari va uning amaliy qo‘llanilishi bo‘yicha batafsil monitoring ishlarini olib bormoqda. Mazkur holat kosmik makonda yuzaga kelayotgan raqobat va harbiy ustunlikka erishish yo‘lidagi yangi davr boshlanganidan dalolat beradi.
Izohlar
0