Britaniyada plastik tarkibli nam salfetkalar sotuvi taqiqlandi

Kundalik hayotda keng foydalaniladigan nam salfetkalarning asosiy qismi tarkibida plastik tolalar mavjudligi aniqlandi. Bu haqda Zamin.uz xabar berdi.

Ushbu komponentlar mahsulotga yuqori chidamlilik baxsh etsa-da, ularning tabiatda parchalanish jarayoni juda uzoq davom etadi va ekologik muvozanatga salbiy ta'sir ko'rsatadi. Xususan, ishlatilgan salfetkalarni hojatxona tizimiga tashlash kanalizatsiya tarmoqlarida jiddiy tiqinlar paydo bo'lishiga olib kelmoqda.

Bunday chiqindilar oqova suv tizimlari orqali tabiiy suv havzalariga yetib borib, mikroplastik ifloslanishining asosiy manbalaridan biriga aylanadi. Mutaxassislar ushbu turdagi gigiyena vositalarini ishlab chiqarish jarayonida atmosferaga ajralib chiqadigan issiqxona gazlari ham iqlim o'zgarishini tezlashtirayotganini ta'kidlashmoqda.

Shu bois, iste'molchilarning ushbu mahsulotlardan foydalanish madaniyatini qayta ko'rib chiqishi hamda chiqindilarni utilizatsiya qilishda ekologik talablarga rioya etishi muhim ahamiyat kasb etadi. Plastik tarkibli mahsulotlarning atrof-muhitga yetkazayotgan zararini kamaytirish uchun muqobil, biologik parchalanadigan xomashyolardan foydalanish masalasi kun tartibiga chiqmoqda.