Bangladeshda Donald Tramp laqabli noyob buyvol sotuvga qo'yildi

Bangladeshda istiqomat qiluvchi noyob albinos buyvol o‘zining tashqi ko‘rinishi sababli ijtimoiy tarmoqlar foydalanuvchilari orasida katta qiziqish uyg‘otdi. Bu haqda Zamin.uz xabar berdi.

Mazkur jonivor o‘ziga xos oltinsimon juni va AQSH prezidenti Donald Trampning soch turmagini eslatuvchi qiyofasi tufayli "Donald Tramp" laqabi bilan tanildi. Vazni 700 kilogrammga yetadigan ushbu buyvol aks etgan videolavhalar internet olamida keng tarqalib, ko‘plab muhokamalarga sabab bo‘ldi.

Ko‘pchilik kuzatuvchilar haqiqatan ham hayvonning tashqi ko‘rinishida taniqli siyosatchiga xos o‘xshashlik mavjudligini ta’kidlamoqda. Ferma egasining ma’lumot berishicha, buyvolning gavdasi juda yirik bo‘lishiga qaramasdan, uning fe’l-atvori ancha vazmin va osoyishta hisoblanadi.

Jonivorni parvarish qilishda alohida e’tibor qaratilib, u makkajo‘xori, soya hamda kepakdan iborat maxsus muvozanatlashgan ratsion asosida boqilgan. Ta’kidlash joizki, "Donald Tramp" laqabli ushbu buyvol Qurbon hayiti bayrami munosabati bilan allaqachon o‘z xaridorini topgan va sotib yuborilgan.

Hozirgi vaqtda u hali ham fermada saqlanmoqda va uni o‘z ko‘zi bilan ko‘rishni istagan ko‘plab mehmonlarni qabul qilishda davom etmoqda. Ushbu noodatiy holat mahalliy chorvachilik sohasida o‘ziga xos voqelikka aylandi.