Italiyaning Como futbol klubi Londonning Chelsi jamoasi himoyachisi Trevoh Chalobahni o'z tarkibiga jalb etish bo'yicha olib borilayotgan muzokaralarda hal qiluvchi pallaga kirdi. Bu haqda Zamin.uz xabar berdi.
Goal.com nashrining ma'lum qilishicha, tomonlar transfer shartlarini yakunlash va kelishuvga erishish yo'lida so'nggi texnik qadamlarni tashlamoqda. Ayni damda klublar o'rtasida hujjatlarni rasmiylashtirish jarayoni kechmoqda va yaqin soatlar ichida transfer bo'yicha yakuniy bayonot e'lon qilinishi kutilmoqda.
Manbalarga ko'ra, inglizistonlik futbolchi hamda Como rahbariyati o'rtasidagi muzokaralar ijobiy ruhda o'tmoqda. Tomonlar shaxsiy shartnoma shartlari bo'yicha prinsipial kelishuvga erishgan.
Trevoh Chalobahning A Seriya vakili safiga o'tishi yozgi transfer oynasidagi eng shov-shuvli voqealardan biri sifatida baholanmoqda. Futbolchi faoliyatini Italiyada davom ettirishga tayyor va Como loyihasi uning kelgusi rivojlanishi uchun maqbul variant deb hisoblanmoqda.
Hozirda barcha tomonlar kelishuvning barcha bandlarini yakunlab, rasmiy e'lon uchun tayyorgarlik ko'rmoqda.
Izohlar
0