Toshkent shahrida o‘tkazilgan sambo bo‘yicha erkaklar va ayollar o‘rtasidagi 50-yubiley Jahon chempionati o‘z nihoyasiga yetdi. Bu haqda Zamin.uz xabar berdi.
Uch kun mobaynida davom etgan nufuzli musobaqada dunyoning 101 davlatidan kelgan eng kuchli sportchilar g‘oliblik uchun kurash olib bordilar. Mazkur xalqaro turnir yuqori darajada tashkil etilgani va keskin raqobat muhitida o‘tgani bilan ajralib turdi.
O‘zbekiston milliy terma jamoasi a’zolari o‘z uylarida o‘tgan chempionatda yuqori mahorat ko‘rsatib, umumjamoa hisobida kuchli uchlikdan joy olishga muvaffaq bo‘lishdi. Sportchilarimiz namoyish etgan texnik va taktik tayyorgarlik, shuningdek, iroda ko‘rsatkichlari yakuniy natijalarga ijobiy ta’sir ko‘rsatdi.
Musobaqaning so‘nggi kunida qayd etilgan natijalar terma jamoamizning xalqaro maydondagi nufuzini yanada mustahkamladi. 50-jahon chempionati sambo sport turi rivojlanishida yangi sahifa ochib, tashkilotchilik va sport mahorati borasida muhim tajriba maktabi vazifasini o‘tadi.
O‘zbekistonlik sambochilarning muvaffaqiyati mamlakatimizda ushbu sport turiga berilayotgan e’tiborning amaliy samarasi sifatida baholanmoqda.
Izohlar
0