Pavlovich: «Vlaxovich – Italiya chempionatining eng yaxshi hujumchisi» Serbiya terma jamoasi va "Milan" klubi himoyachisi Straxinya Pavlovich o'z hamyurti, "Yuventus" safida to'rt yildan buyon to'p surib kelayotgan Dushan Vlaxovichning mahoratiga yuqori baho berdi. Bu haqda Euro-football.ru xabar berdi.
Pavlovich Turin klubi forvardini jahonning eng kuchli hujumchilaridan biri deb hisoblaydi. "Dushan o'zining eng yaxshi sport formasida bo'lganida, u dunyoning eng kuchli futbolchilaridan biriga aylanadi.
Shaxsan men uchun u Italiya chempionatidagi eng yaxshi hujumchidir", — deya Pavlovichning so'zlarini keltirmoqda pianetamilan.it nashri. Ma'lumot o'rnida ta'kidlash joizki, hozirda Italiya A Seriyasi turnir jadvalida "Milan" jamoasi ikkinchi o'rinni egallab turibdi.
Mazkur jamoalar o'rtasidagi o'zaro qarama-qarshilik yaqin dam olish kunlariga to'g'ri keladi. Turning markaziy uchrashuvi hisoblangan "Milan" va "Yuventus" bahsi 26-aprel, yakshanba kuni oqshomida bo'lib o'tadi.
Ushbu o'yin turnir jadvalidagi yuqori o'rinlar uchun kurashda muhim ahamiyat kasb etishi kutilmoqda.
