Italiyaning «Parma» futbol klubi o'tgan dam olish kunlari mamlakat oliy divizioni — A Seriyadagi ishtirokini kafolatladi. Bu haqda Euro-football.ru xabar berdi.
«Krestonoslar» chempionatning qolgan uchrashuvlarida mag'lubiyatga uchragan taqdirda ham, turnir jadvalidagi o'rinlari ularga keyingi mavsumda ham kuchlilar safida qolish imkonini beradi. Ushbu muvaffaqiyat munosabati bilan klub rahbariyati tantanali tadbirlar tashkil etishga qaror qildi.
Yakshanba kuni «Parma» uy stadioni barcha xohlovchilar uchun o'z eshiklarini ochdi. Marosim doirasida muxlislar futbolchilar bilan uchrashish va ular bilan yaqindan muloqot qilish imkoniyatiga ega bo'ldilar.
Bayramona tadbir jamoaning elitaga qaytishi va erishilgan natijani jamoatchilik bilan birgalikda nishonlash maqsadida o'tkazildi. Ma'lumot uchun, ispaniyalik mutaxassis Karlos Kuesta qo'l ostidagi jamoa Italiya chempionatining navbatdagi turida Milanning «Inter» klubiga qarshi maydonga tushadi.
Mazkur bahs «Parma» uchun A Seriyadagi o'rnini saqlab qolish masalasi hal etilganidan keyingi dasturiy uchrashuvlardan biri hisoblanadi.
