O‘zbekistonlik para sportchi Bobur Omonovning uzoq yillik orzusi yaqin vaqt ichida ro‘yobga chiqishi kutilmoqda. Bu haqda Zamin.uz xabar berdi.
Sportchi bilan bo‘lib o‘tgan uchrashuv davomida Otabek Umarov unga uzoq vaqtdan buyon orzu qilib kelayotgan Mercedes-Benz G-Class rusumli avtomobilini sovg‘a qilish niyatini bildirdi. Mazkur voqea aks etgan videotasvirlar ijtimoiy tarmoqlarda keng tarqalib, jamoatchilik va internet foydalanuvchilari o‘rtasida qizg‘in muhokamalarga sabab bo‘ldi.
Ma’lum bo‘lishicha, Bobur Omonov mazkur modeldagi transport vositasini xarid qilishni anchadan buyon rejalashtirib kelayotgan edi. Sport olamidagi yutuqlari bilan tanilgan para atlet uchun bu kutilmagan tuhfa katta rag‘bat bo‘lishi shubhasiz.
Hozirgi kunda ushbu uchrashuv va berilgan va’da atrofidagi xabarlar ko‘plab muxlislar tomonidan ijobiy baholanmoqda. Sportchining erishgan natijalari va unga ko‘rsatilayotgan e’tibor O‘zbekistonda para sport turlariga berilayotgan yuksak e’tiborning navbatdagi namunasi sifatida qayd etilmoqda.
Izohlar
0