Elit Osiyo Chempionlar ligasi guruh bosqichining to‘rtinchi turidan o‘rin olgan navbatdagi bellashuvda O‘zbekiston vakili Farg‘onaning Neftchi klubi maydonga tushadi. Bu haqda Zamin.uz xabar berdi.
Mazkur uchrashuv O‘mon yashil maydonlarida tashkil etilib, unda farg‘onaliklarga Eronning tajribali va nomdor jamoasi hisoblangan Traktor raqiblik qiladi. Musobaqa jadvalidagi holatni yaxshilab olish uchun o‘ta muhim ahamiyat kasb etayotgan ushbu qarama-qarshilik oldidan an’anaviy tarzda matbuot anjumani o‘tkazildi.
Tadbirda Neftchi jamoasi bosh murabbiyi Islom Ismoilov hamda klub yetakchi yarim himoyachisi Jamshid Iskanderov ishtirok etishdi. Murabbiy va futbolchi jurnalistlarning savollariga javob qaytarish barobarida jamoaning bo‘lajak o‘yinga ko‘rilgan tayyorgarlik jarayoni, tarkibdagi holat hamda raqibning kuchli va zaif tomonlari haqidagi o‘z fikrlari bilan o‘rtoqlashdilar.
Jamoa a’zolari mazkur safar o‘yinida ijobiy natija qayd etish uchun barcha imkoniyatlarni ishga solishga tayyor ekanliklarini ta’kidlab o‘tishdi.
Izohlar
0