Mbappe "Oltin to'p"ni yutishga yaqin turibdi

«Monako» yarim himoyachisi Pol Pogba «Real» hujumchisi Kilian Mbappening «Oltin to'p»ni yutishiga ishonchi komil. Bu haqda Euro-football.ru xabar berdi.

Uning fikricha, bu faqat vaqt masalasi. «Kilian Mbappening «Oltin to'p» uchun ovoz berishda g'alaba qozonishi shunchaki vaqt masalasi.

Mening nazarimda, u mavsum davomida eng yaxshi futbolchi bo'ldi. Hozir u avvalgidan ham ko'proq gol urmoqda.

«Real»dagi ilk mavsumida hatto Krishtianu Ronaldudan ham ko'proq to'p kiritdi. U yanada o'sishda davom etishi mumkin», — deydi Pogba Madrid Universal nashriga bergan intervyusida.

Hozirgi mavsumda 27 yoshli Mbappe barcha turnirlarda 40 ta o'yinda maydonga tushib, 41 ta gol urdi va oltita golli uzatmani amalga oshirdi.