Fransiya terma jamoasi safida jahon chempioni bo‘lgan, o‘z vaqtida «Barselona» klubi sharafini himoya qilgan taniqli futbolchi Kristof Dyuqarri «Lion» bosh murabbiyi Paulo Fonsekaning jamoani tark etishi borasidagi qarorini keskin tanqid ostiga oldi. Bu haqda Euro-football.ru xabar berdi.
Dyuqarrining fikricha, murabbiyning bu qadami tushunarsiz va mantiqsizdir. U bu borada quyidagicha izoh berdi: «Kechirasiz, lekin mavsum boshida jamoa aynan sizning tashabbusingiz bilan shakllantirilgandi.
Mavsum yakunlanishiga hali sakkiz oy bor, nega ishni oxirigacha yetkazib qo‘ymaslik kerak? Men buni tushunmayapman.
Bu ko‘zbo‘yamachilikdan boshqa narsa emas, uning so‘zlariga bir soniya ham ishonmayman. Agar sizga haqiqatan ham og‘ir bo‘lsa va bu holatdan xafa bo‘lsangiz, demak, qolishingiz kerak edi.
Sizni hech kim ketishga majburlamadi». Mashhur futbolchining ta’kidlashicha, hozirgi kunda futbolga investitsiya fondlarining kirib kelishi sportning asl mohiyatini yo‘qotmoqda va bu holat aksariyat hollarda oddiy muxlislarning manfaatlariga zarar yetkazmoqda.
U bunday vaziyatlardan nafratlanishini yashirmadi. Ma’lumot uchun, Paulo Fonsekaning xizmatlariga ayni damda Lissabonning «Sporting» klubi qiziqish bildirmoqda.
Mutaxassisning kelajagi yaqin vaqt ichida aniq bo‘lishi kutilmoqda.
Izohlar
0