«Liverpul» yarim himoyachisi Kertis Jons «Aston Villa» qiziqishlari doirasiga tushdi. Bu haqda Euro-football.ru xabar berdi.
Bu haqda Football Insider nashri xabar bermoqda. Manbaning keltirishicha, «Aston Villa» yozgi transfer oynasida tarkibni jiddiy ravishda qayta shakllantirishni rejalashtirmoqda.
Birmingemliklar safiga qo‘shilishi mumkin bo‘lgan asosiy nomzodlardan biri aynan Jons bo‘lib turibdi. O‘z navbatida, «Liverpul» rahbariyati ham mavsum yakunlangach, tarkibni «tozalash» maqsadida futbolchini qo‘yib yuborishga qarshi emas.
Ma’lum qilinishicha, 25 yoshli yarim himoyachining transferiga «Aston Villa» bosh murabbiyi Unai Emerining shaxsan o‘zi qiziqish bildirmoqda. Mutaxassis futbolchining imkoniyatlarini yuqori baholamoqda va uni yangi loyihaning muhim bo‘lagi sifatida ko‘rmoqda.
Ma’lumot uchun, Kertis Jons joriy mavsumda barcha turnirlar doirasida jami 44 ta uchrashuvda maydonga tushdi. Mazkur bahslarda u raqiblar darvozasini 2 bor ishg‘ol etishga muvaffaq bo‘ldi va 2 ta golli uzatmani o‘z hisobiga yozdirib qo‘ydi.
Hozirda tomonlar o‘rtasidagi ehtimoliy kelishuv shartlari ko‘rib chiqilmoqda.
