«Augsburg» va «Ayntraxt» o'zaro bahsda durang o'ynadi

Germaniya Bundesligasining 31-turi doirasida «Augsburg» o'z maydonida Frankfurtning «Ayntraxt» jamoasini qabul qildi. Bu haqda Euro-football.ru xabar berdi.

«VVK Arena» stadionida bo'lib o'tgan uchrashuvda jamoalar 1:1 hisobidagi durang natijani qayd etishdi. Uchrashuvning birinchi bo'limi mezbonlarning ustunligida o'tdi.

Tanaffusga chiqish oldidan, 44-daqiqada Anton Kade raqib darvozasini ishg'ol qilib, «Augsburg»ni hisobda oldinga olib chiqdi. Biroq ikkinchi bo'limda mehmonlar muvozanatni tiklashga muvaffaq bo'lishdi.

66-daqiqada yaponiyalik legioner Ritsu Doan Jan Uzunning uzatmasidan so'ng gol urib, jamoasini mag'lubiyatdan qutqarib qoldi. Ushbu natijadan so'ng «Augsburg» ochkolari sonini 37 taga yetkazib, turnir jadvalida 9-o'rinni egallab turibdi.

«Ayntraxt» esa 43 ochko bilan 7-pog'onadan joy olgan. Eslatib o'tamiz, jamoalarning birinchi davradagi uchrashuvida frankfurtliklar 1:0 hisobida g'alaba qozongan edi.

Germaniya chempionatining navbatdagi turlarida har ikki jamoa yevrokuboklar yo'llanmasi uchun kurashni davom ettiradi.