O‘zbekiston kino san’atining taniqli vakili, aktrisa Ra’no Shodiyeva oilasida og‘ir judolik yuz berdi. Bu haqda Zamin.uz xabar berdi.
Aktrisa o‘zining ijtimoiy tarmoqdagi sahifasi orqali onasining vafot etganini ma’lum qildi. U qayg‘uli xabarni onasining suratini joylash bilan birga jamoatchilikka yetkazgan.
Ma’lum bo‘lishicha, Ra’no Shodiyeva avvalroq ijtimoiy tarmoqdagi sahifalarida onasining sog‘lig‘i yomonlashgani va xastalik bilan kurashayotgani haqida yozgan edi. Aktrisa o‘sha vaqtda o‘z muxlislaridan onasining tezroq sog‘ayib ketishini so‘rab, duo qilishlarini iltimos qilgandi.
Biroq shifokorlarning barcha sa’y-harakatlariga qaramay, onasi olamdan o‘tdi. Hozirgi vaqtda aktrisaning yaqinlari va hamkasblari unga hamdardlik bildirib, ta’ziya izhor etmoqdalar.
Ijtimoiy tarmoq foydalanuvchilari ham san’atkorni va uning oila a’zolarini qo‘llab-quvvatlab, sabr-toqat tilashmoqda. Ra’no Shodiyeva uchun bu juda og‘ir davr bo‘lib, u o‘zining shaxsiy sahifasi orqali yaqinlariga hamdardlik bildirgan barcha insonlarga minnatdorchilik izhor etgan.
Marhumaning yaqinlariga chuqur ta’ziya bildiramiz.
Izohlar
0