Abdulla Qurbonov ustozining ehtiyotkorligini esladi

Abdulla Qurbonov ustozining ehtiyotkorligini esladi. Bu haqda Zamin.uz xabar berdi.

Xonanda "24/7 podcast" dasturida bir to‘yda sodir bo‘lgan voqeani aytib berdi. Muhriddin Xoliqov bilan birga to‘yga borib, ularga berilgan pulni u o‘zi olib turgan.

Pullarni saralayotgan paytida ularning ichidan 20 dollar topilgan. Buni ko‘rgan ustoz darhol cho‘chib ketib, "Yo‘qot bu pulni" deb buyruq bergan.

Yigit "Nega?" deb so‘ragach, Muhriddin aka "Qamalib ketamiz" deb javob qaytargan. Abdulla hazil bilan "Chet elga chiqsangiz ishlatasiz" degan bo‘lsa-da, ustoz "Puli boshidan qolsin" deb qat'iy turib olgan.

Qurbonov bu holatdan ustozining ehtiyotkorligi va hayotiy qarashlari unga chuqur taassurot qoldirganini ta’kidladi. 40 yildan ortiq sahnada bo‘lgan san’atkor, taniqli bo‘lish bilan sevimli bo‘lishning bir xil emasligini ta’kidladi.

U 40 ming xil ashulachilarni ko‘rganini, lekin ulardan faqatgina bir nechtasining xalq tomonidan chin dildan e’zozlanishiga erishganini aytdi.