Toshkent shahrining Olmazor tumanida voyaga yetmagan shaxsga nisbatan sodir etilgan zo‘ravonlik holati yuzasidan rasmiy ma’lumotlar e’lon qilindi. Bu haqda Zamin.uz xabar berdi.
Ijtimoiy himoya milliy agentligining Toshkent shahar boshqarmasi xabariga ko‘ra, mazkur hududda istiqomat qiluvchi fuqaro voyaga yetmagan qiz bilan shar’iy nikoh asosida birga yashab kelgan. Tergovga qadar tekshiruv jarayonida aniqlanishicha, N.M.
ismli erkak 2025 yil 28 avgust sanasida Ch.B. ismli qiz bilan shar’iy nikoh qurgan.
Ushbu muddatdan boshlab ular bir manzilda birgalikda yashashni boshlashgan. Biroq, keyinchalik erkak tomonidan qizga nisbatan jismoniy tazyiq o‘tkazilgani va unga turli darajadagi tan jarohatlari yetkazilgani ma’lum bo‘ldi.
Hozirgi vaqtda mazkur holat yuzasidan tegishli organlar tomonidan surishtiruv ishlari olib borilmoqda. Voyaga yetmagan qizning xavfsizligini ta’minlash va unga huquqiy hamda psixologik yordam ko‘rsatish masalalari agentlik mutaxassislari nazoratiga olingan.
Huquqni muhofaza qiluvchi idoralar tomonidan qonunbuzarlik holati bo‘yicha barcha dalillar o‘rganilmoqda va aybdor shaxsning harakatlariga qonuniy baho berilishi ta’minlanadi.
Izohlar
0