Myunxenning "Bavariya" klubi yarim himoyachisi Aleksandr Pavlovich yozgi transferlar oynasi vaqtida "Manchester Siti" safiga o‘tishdan bosh tortdi. Bu haqda Euro-football.ru xabar berdi.
Bu haqda taniqli jurnalist Florian Plettenberg "BILD FC Bayern" nashriga tayanib xabar berdi. Manba ma’lumotlariga ko‘ra, Angliya chempioni vakillari hali mart oyidayoq "Bavariya" rahbariyati va futbolchining o‘zi bilan bog‘lanishgan.
"Shaharliklar" 22 yoshli iqtidorli yarim himoyachi uchun 100 million yevrogacha to‘lashga tayyor ekanliklarini bildirgan. Dastlab Pavlovich ushbu taklifga ijobiy munosabatda bo‘lib, uni jiddiy o‘ylab ko‘rgan, biroq yakunda rad javobini berishga qaror qilgan.
Shu sababli, "Manchester Siti" klubi "Bavariya"ga rasmiy taklifnoma yuborishga ulgurmagan. Joriy mavsumda Aleksandr Pavlovich barcha turnirlar doirasida jami yettita uchrashuvda maydonga tushdi.
U mazkur o‘yinlar davomida raqiblar darvozasini bir bor ishg‘ol qilishga muvaffaq bo‘ldi va jamoadoshlariga ikkita golli pas uzatdi. Hozirda futbolchi Myunxen klubi tarkibida o‘z o‘yinini takomillashtirishda davom etmoqda.
Izohlar
0