Tesla Supercharger stansiyalarida virtual navbat tizimi joriy etilmoqda
Tesla kompaniyasi o'zining Supercharger tezkor quvvatlash tarmoqlari uchun raqamli navbat funksiyasini ishga tushirdi. Bu haqda Zamin.uz xabar berdi. Ixbt.com nashrining yozishicha, mazkur yangilik haydovchilarga stansiyalar band bo'lgan vaqtda avtomobil ichida jismoniy navbat kutmasdan, tizimga masofadan yozilish imkonini beradi. Elektromobil egasi quvvatlash manziliga yaqinlashganida, bort kompyuteri virtual ro'yxatga qo'shilishni taklif etadi.
Maxsus algoritm avtomobillarning kelish vaqtini hisobga olgan holda, quvvatlash navbatini avtomatik ravishda taqsimlaydi. Kompaniya belgilangan tartibga rioya qilmagan haydovchilar uchun quvvatlash jarayonini majburiy bloklash niyatida emas.
Buning o'rniga, qoidani buzgan foydalanuvchi mobil ilova orqali stansiyada navbat borligi haqida ogohlantiriladi. Yangi mexanizmning qanchalik samarali ishlashi ko'p jihatdan haydovchilarning o'zaro madaniyati va tartib-intizomiga tayanadi.
Hozirgi kunda dunyo bo'ylab 6 000 dan ortiq hududda 60 000 dan ziyod Tesla Supercharger quvvatlash nuqtalari faoliyat ko'rsatmoqda. Tizim ushbu keng tarmoqdagi tirbandliklarni tartibga solishga xizmat qiladi.
