O‘zbekiston madaniyat va san’at sohasi og‘ir judolikka uchradi. Bu haqda Zamin.uz xabar berdi.
O‘zbekistonda xizmat ko‘rsatgan madaniyat xodimi hamda “Mehnat shuhrati” ordeni bilan taqdirlangan taniqli namoyanda O‘tkir Dadaqo‘ziyevich Tohirov 85 yoshida vafot etdi. Marhumning vafoti haqidagi xabarni Madaniyat vazirligi matbuot xizmati tasdiqladi.
O‘tkir Tohirov 1941 yil 1 avgust sanasida Toshkent shahrida dunyoga kelgan. Uning oltmish yilga yaqin davom etgan sermazmun mehnat faoliyati yurtimiz madaniy muhitini boyitish va san’at sohasini rivojlantirishga qaratilgan edi.
O‘zining uzoq yillik kasbiy yo‘lida u turli madaniyat uylari va muassasalarida samarali xizmat qilib, yosh avlodga bilim hamda tajriba ulashishda jonbozlik ko‘rsatdi. Marhumning o‘zbek madaniyati ravnaqi yo‘lida amalga oshirgan xizmatlari hamkasblari va shogirdlari xotirasida munosib o‘rin egallaydi.
Madaniyat vazirligi jamoasi marhumning oila a’zolari va yaqinlariga chuqur hamdardlik bildiradi.
Izohlar
0