Rossiya «Davlat xizmatlari» portalida VPN bo'yicha shikoyat qilish imkoniyati yaratiladi
Rossiyaning «Davlat xizmatlari» portalida yaqin kunlarda foydalanuvchilar uchun qo'shimcha imkoniyat joriy etiladi. Bu haqda Zamin.uz xabar berdi. Endilikda fuqarolar tizim tomonidan VPN xizmatini o'chirish haqida yuboriladigan asossiz bildirishnomalar yuzasidan shikoyat berishlari mumkin. Bu haqda Ixbt.com nashri xabar berdi.
Raqamli rivojlanish vazirligi taqdim etgan ma'lumotlarga ko'ra, ushbu yangi vosita servislar faoliyatida kuzatilayotgan texnik xatolarni tezkor aniqlash va ularni bartaraf etishga xizmat qiladi. Hozirda ko'plab mahalliy platformalar VPN ulanishi aniqlangan holatlarda, xavfsizlik chorasi sifatida tizimga kirishni cheklab qo'ymoqda.
Vazirlik mutasaddilari foydalanuvchilarga VPN ishlatilmagan vaziyatda ham kirish bloklangan bo'lsa, tegishli xizmatlarning texnik qo'llab-quvvatlash bo'limlariga murojaat qilishni maslahat bermoqda. Bunday cheklovlar asosan ma'lumotlarni kiberhujumlardan himoya qilish maqsadida yo'lga qo'yilgan.
Mutaxassislarning ta'kidlashicha, aksariyat VPN servislari shaxsiy ma'lumotlar maxfiyligini to'liq ta'minlay olmaydi. Shu sababli davlat va tijorat tuzilmalariga qarashli platformalar o'z xavfsizlik siyosatini izchil kuchaytirib bormoqda.
