Rossiya Raqamli rivojlanish vazirligi internet cheklangan sharoitda ham ishlaydigan xizmatlarning imtiyozli ro'yxati bo'yicha yangi ma'lumotlarni taqdim etdi. Bu haqda Zamin.uz xabar berdi. Vazirlik tushuntirishiga ko'ra, texnik cheklovlar sababli mazkur ro'yxatga juda ko'p miqdordagi servis va veb-saytlarni kiritish imkoniyati mavjud emas. Bu haqda Ixbt.com nashri xabar bermoqda.
Yangi tartibga ko'ra, biror-bir platformani ushbu ro'yxatga kiritish uchun Rossiya federal ijroiya hokimiyati organining maxsus iltimosnomasi talab qilinadi. Bunda davlat organi so'ralayotgan servisning ijtimoiy ahamiyatini rasman tasdiqlashi shart.
Ilgari bunday texnik cheklovlar borligi haqida ochiq ma'lumot berilmagan edi. Internet uzilgan vaqtda ham muhim xizmatlar faoliyatini ta'minlovchi mazkur tizim 2025 yilning kuzida joriy etilgan.
2026 yil 23 aprel holatiga ko'ra, ro'yxatga qon tarkibidagi qand miqdorini masofadan nazorat qiluvchi servislar, ko'ngillilar tashkilotlari, tibbiyot, transport va davlat platformalari qo'shildi. Hozirgi vaqtda imtiyozli ro'yxatdan «LizaAlert», «Ruviki», «Rostex», «Rosatom» kabi tashkilotlar, shuningdek, «Gazprombank» servislari, yetkazib berish xizmatlari va qator ommaviy axborot vositalari joy olgan.
Biroq vazirlik joylar soni cheklangani sababli barcha talabgorlar ham ro'yxatga kiritilmasligini ma'lum qildi.
