S3 videokartalaridagi 30 yillik texnik muammo hal qilindi
«Bits und Bolts» YouTube kanali muallifi S3 videokartalarida uchraydigan ko'p yillik texnik nuqsonni bartaraf etishga muvaffaq bo'ldi. Bu haqda Zamin.uz xabar berdi. Mazkur qurilmalarning VBIOS tizimi eski monitorlarda tasvir o'ta qorong'i bo'lib qolmasligi uchun qora rang o'rniga to'q kulrangni ko'rsatishga sozlangan edi. Ixbt.com nashrining xabar berishicha, ushbu xususiyat zamonaviy displeylarda kontrastni pasaytirib, tasvir sifatini sezilarli darajada yomonlashtiradi.
Tadqiqotchi 4 MB xotiraga ega «S3 Virge DX» tezlatgichi misolida tajriba o'tkazdi. Maxsus dasturlar yordamida VBIOS tizimidagi tegishli qism aniqlangach, dastlab xotiraning o'zida qiymatlarni o'zgartirishga harakat qilindi.
Keyinchalik proshivka yuklab olinib, HEX muharriri orqali tahrirlandi. Videokarta yangilangan dasturni muvaffaqiyatli qabul qilishi uchun nazorat summasi ham qaytadan hisoblab chiqildi.
Amalga oshirilgan o'zgarishlar natijasida videokarta kulrang o'rniga haqiqiy chuqur qora rangni ko'rsata boshladi. Muallif VBIOS darajasidagi ko'rsatkichni 3F dan 1F qiymatiga o'zgartirish orqali kutilgan natijaga erishilganini namoyish etdi.
Bu usul uzoq yillik muammoni dasturiy darajada hal qilish imkonini berdi.
