Tramp Eron bilan sulh kelishuvini uzaytirmadi

AQSh prezidenti Donald Tramp Eron bilan tuzilgan vaqtinchalik tinchlik kelishuvini uzaytirishni istamasligini e'lon qildi. Bu haqda Zamin.uz xabar berdi.

Tramp CNBC telekanaliga bergan intervyusida havo hujumlarini qayta boshlash uchun barcha koʻrsatmalar berib boʻlinganligini va armiyaning jangovar shay holatda turganini taʼkidladi. U Eron tomonini sulh shartlarini buzganlikda aybladi, ammo qaysi bandlar buzilganiga aniqlik kiritmadi.

Eron rasmiy vakili Fotima Muhojironiy mamlakat urush istamasligini, lekin har qanday tajovuzga munosib javob berishga tayyorligini bildirdi. U taʼkidlashicha, agar AQSh harbiy yoʻlni tanlasa, Eron javobi avvalgidan ham keskin va vayronkor boʻladi.

Ikki haftalik sulh muddati 22 aprel kuni kechqurun tugaydi. Pokiston vositachiligida rejalashtirilgan muzokaralarning keyingi bosqichi hozircha shubha ostida qolmoqda.

Vaziyatning keskinlashuvi mintaqaviy barqarorlikka jiddiy tahdid solmoqda.