Buyuk Britaniya malikasi Diana 1994 yilda shahzoda Charlzning xiyonati ommaga oshkor etilgan kuni kiygan qora libos dekabr oyida Sotheby's auksion savdolariga qo'yiladi. Bu haqda Zamin.uz xabar berdi.
Jamoatchilik orasida qasos ko'ylagi nomi bilan mashhur bo'lgan ushbu kiyimning boshlang'ich bahosi 110 mingdan 220 ming funt sterlinggacha yetishi prognoz qilinmoqda. Mazkur ma'lumotni Meduza nashri tasdiqladi.
Kristina Stambolyan tomonidan maxsus loyihalashtirilgan, tanaga yopishib turuvchi va yelkalari ochiq qora libos o'z davrida qirollik oilasi vakilining jasoratli tanlovi sifatida katta shov-shuvlarga sabab bo'lgan edi. Malika Diana ushbu kiyimni Londonning Serpentine galereyasida bo'lib o'tgan tadbirda namoyish etgan bo'lib, o'sha oqshom uning tashqi ko'rinishi barcha diqqat markazida bo'lgan.
Auksion uyi vakillarining ta'kidlashicha, mazkur eksponat nafaqat moda tarixidagi muhim voqea, balki malika hayotidagi burilish pallalaridan birining timsoli sifatida ham katta qiziqish uyg'otmoqda. Hozirgi kunda kolleksionerlar o'rtasida ushbu tarixiy libosga bo'lgan talab yuqori bo'lishi kutilmoqda.
Izohlar
0