Dubayda istiqomat qiluvchi tadbirkor Jamol Al Nadak o‘z rafiqasi Soudi Al Nadak uchun xususiy orol xarid qildi. Bu haqda Zamin.uz xabar berdi.
Ushbu xaridning asosiy maqsadi turmush o‘rtog‘ining begona nigohlardan xoli tarzda, xotirjam hordiq chiqarishini ta’minlashdan iborat. Mazkur voqea haqida 2024 yilda The Independent nashri batafsil ma’lumot berdi.
Ijtimoiy tarmoqlar orqali mashhurlikka erishgan blogerning qayd etishicha, Osiyo mintaqasida joylashgan mazkur hududning qiymati 50 million dollarni tashkil etadi. Er-xotin ushbu qimmatbaho mulkni nafaqat shaxsiy dam olish maskani sifatida foydalanishni, balki kelgusida turli xil investitsion maqsadlarni amalga oshirishni ham ko‘zlagan.
Hozirgi kunda mazkur xarid ijtimoiy tarmoqlarda keng muhokamalarga sabab bo‘lmoqda. Orolning xarid qilinishi juftlikning o‘zaro munosabatlari va ularning turmush tarzi haqidagi qiziqishlarni yanada kuchaytirdi.
Ayni damda orol hududida xavfsizlik va shaxsiy daxlsizlikni ta’minlash bo‘yicha tegishli chora-tadbirlar ko‘rilmoqda.
Izohlar
0