Germaniya Bundesligasining 2025/26-yilgi mavsumi 31-turidan o'rin olgan uchrashuvda "Xaydenxaym" jamoasi "Sankt-Pauli"ni qabul qildi. Bu haqda Euro-football.ru xabar berdi.
"Voyt-Arena" stadionida bo'lib o'tgan bahs mezbonlarning 2:0 hisobidagi g'alabasi bilan yakunlandi. Uchrashuvning ilk daqiqalaridanoq mezbonlar faollik ko'rsatishdi.
O'yinning 3-daqiqasida Yan SHeppner tomonidan yetkazib berilgan to'pni Budu Zivzivadze raqib darvozasiga joylab, "Xaydenxaym"ni hisobda oldinga olib chiqdi. Birinchi bo'limda boshqa gol urilmadi va jamoalar tanaffusga 1:0 hisobida yo'l olishdi.
Ikkinchi bo'limda ham ustunlikni saqlab qolgan mezbonlar 82-daqiqaga kelib farqni oshirishga muvaffaq bo'lishdi. Diant Ramay uzatgan to'pni Eren Dinkchi muvaffaqiyatli yakunlab, o'yindagi yakuniy hisobni o'rnatdi.
G'alaba qozonganiga qaramay, "Xaydenxaym" 22 ochko bilan Germaniya chempionati turnir jadvalining so'nggi, 18-pog'onasida qolmoqda. Mag'lubiyatga uchragan "Sankt-Pauli" esa 26 ochko bilan 16-o'rinni egallab turibdi.
Kelasi turda jamoalarni turnir jadvalidagi o'rinlarini yaxshilash uchun muhim bahslar kutmoqda.
