Viera: «Arsenal» avvalgi o‘yin uslubiga qaytishi kerak

Londonning "Arsenal" klubi sobiq yetakchisi va mashhur futbolchi Patrik Viera jamoaning hozirgi holati hamda o‘yin uslubidagi muammolar borasida o‘z fikrlarini bildirdi. Bu haqda Euro-football.ru xabar berdi.

Yakshanba kuni "kanonirlar" chempionlik uchun kurashayotgan asosiy raqiblaridan biri — "Manchester Siti"ga qarshi safarda bahs kurashadilar. Ushbu uchrashuv natijalari turnir jadvalidagi vaziyatga jiddiy ta’sir ko‘rsatishi kutilmoqda.

Agar "shaharliylar" g‘alaba qozonsa, ular londonliklar bilan oradagi farqni uch ochkogacha qisqartiradi va Xosep Gvardiola boshqaruvidagi jamoaning qo‘lida yana bitta zaxira o‘yin qoladi. Patrik Viera "Arsenal"ning o‘yin sifatini yaxshilashi uchun mavsum boshidagi strategik yondashuvlarga qaytishi lozimligini ta’kidladi.

Metro nashrining xabar berishicha, futbolchi o‘sha davrlarda jamoaning yanada xotirjam bo‘lganini, hujumlarni aniq tashkil etib, ko‘plab xavfli vaziyatlar yaratganini va gollarni muvaffaqiyatli urganini eslatdi. Vieraning fikricha, hozirda jamoa to‘pni nazorat qilishga haddan tashqari e’tibor qaratmoqda, biroq bu harakatlar hujum yo‘nalishida rivojlanmayapti.

Chempionlik poygasidagi ushbu muhim bahs yakshanba kuni Toshkent vaqti bilan soat 21:30 da boshlanadi.