«Valensiya» o'z maydonida «Jirona»ni mag'lub etdi

"Valensiya" o'z maydonida "Jirona"ni mag'lub etdi

Ispaniya chempionatining 32-turidan o'rin olgan uchrashuvda "Valensiya" jamoasi o'z maydonida "Jirona"ni qabul qildi. Bu haqda Euro-football.ru xabar berdi.

"Mestalya" stadionida bo'lib o'tgan bahsda mezbonlar 2:1 hisobida g'alaba qozonib, muhim uch ochkoni qo'lga kiritdi. Uchrashuvning birinchi bo'limida har ikkala jamoa darvozasi daxlsiz qoldi.

Ikkinchi bo'limning 51-daqiqasida Lardji Ramazani hisobni ochib, "Valensiya"ni oldinga olib chiqdi. 60-daqiqaga kelib, mezbonlar sardori Xose Luis Gaya tomonidan yetkazib berilgan to'pni Umar Sadiq raqib darvozasiga joylab, oradagi farqni ikkitaga oshirdi.

"Jirona" futbolchisi Xoel Roka 63-daqiqada gol urib, hisobni qisqartirishga muvaffaq bo'ldi, biroq mehmonlar uchrashuv yakuniga qadar muvozanatni tiklay olishmadi. Ushbu g'alabadan so'ng "Valensiya" ochkolari sonini 39 taga yetkazib, turnir jadvalida 11-o'ringa ko'tarilib oldi.

"Jirona" esa 38 ochko bilan 14-pog'onada qoldi. Ma'lumot uchun, uchrashuvda "Valensiya" safida Stole Dimitriyevski, Sezar Tarrega va Xavi Gerra kabi futbolchilar harakat qilgan bo'lsa, mehmonlar tarkibida Deyli Blind, Viktor Tsigankov hamda Kristian Stuani maydonga tushdi.