«Napoli» o'z maydonida «Kremoneze»ni yirik hisobda mag'lub etdi Italiya chempionatining 34-turi doirasida «Napoli» o'z maydonida «Kremoneze» jamoasini qabul qildi. Bu haqda Euro-football.ru xabar berdi.
Antonio Konte shogirdlari raqib darvozasiga javobsiz to'rtta gol urib, yirik g'alabani qo'lga kiritdi. Uchrashuvning 3-daqiqasidayoq mezbonlar hisobni ochishga muvaffaq bo'ldi.
Kevin De Bruyne tomonidan yetkazib berilgan to'pni Skott Maktominay darvozaga aniq yo'lladi. Birinchi bo'lim yakunlanishi arafasida mehmonlar himoyachisi Filippo Terrachchano o'z darvozasini ishg'ol qilib qo'ygan bo'lsa, ko'p o'tmay De Bruyne hisobni yirik ko'rinishga keltirdi.
Ikkinchi bo'limning 52-daqiqasida Alisson Santos Vanya Milinkovich-Savichning uzatmasidan unumli foydalanib, yakuniy natijani belgiladi — 4:0. Ushbu g'alabadan so'ng «Napoli» ochkolari sonini 69 taga yetkazdi va 2025/26 yilgi mavsum turnir jadvalida ikkinchi o'ringa ko'tarilib oldi.
«Kremoneze» esa 28 ochko bilan 17-pog'onada bormoqda. Ma'lumot uchun, uchrashuv Neapoldagi «Diego Armando Maradona» stadionida bo'lib o'tdi.
Antonio Konte jamoasi o'yin davomida to'liq ustunlikka ega bo'lib, muhim uch ochkoni qo'lga kiritdi.
