«Tottenshem» Konor Gallaxerni sotishga tayyorligini ma'lum qildi

Londonning "Tottenshem" klubi yarim himoyachisi Konor Gallaxer yozgi transfer oynasida jamoani tark etishi mumkin. Bu haqda Euro-football.ru xabar berdi.

Bu haqda Football Insider nashri xabar bergan. Manbaning ma’lumotlariga ko‘ra, "shporlar" 26 yoshli futbolchi bilan xayrlashishga tayyor.

Hozirda Angliya Premyer-ligasining bir qator klublari ushbu sportchiga qiziqish bildirmoqda. "Tottenshem" rahbariyati va texnik shtabi Gallaxerning o‘yin uslubi hamda imkoniyatlari jamoadagi Lukas Bergvall va Pape Matara Sarra kabi futbolchilar bilan takrorlanishini ta’kidlamoqda.

Shu sababli, yarim himoyachining ketishi jamoa uchun jiddiy yo'qotish bo'lmasligi kutilmoqda. Eslatib o‘tamiz, "Tottenshem" Gallaxerni o‘tgan qishki transfer oynasida Madridning "Atletiko" klubidan 40 million yevro evaziga sotib olgan edi.

London klubi tarkibida futbolchi shu vaqtgacha 12 ta o‘yinda ishtirok etib, bitta golli uzatmani amalga oshirdi. Konor Gallaxerning "Tottenshem" bilan tuzgan mehnat shartnomasi 2031-yilning yozigacha amal qiladi.

Biroq, klubning tarkibni optimallashtirish rejasi sportchining yaqin orada boshqa jamoaga o‘tishiga sabab bo‘lishi mumkin.