"Krasnodar" futbol klubi bosh murabbiyi Murad Musayev dunyoning eng yaxshi darvozaboni uchun o‘tkazilgan ovoz berish natijalariga munosabat bildirdi. Bu haqda Euro-football.ru xabar berdi.
So‘rovnoma yakunlariga ko‘ra, ispaniyalik Unai Simon eng yaxshi deb topilgan bo‘lsa, "Krasnodar"ning sobiq darvozaboni, rossiyalik Matvey Safonov faxrli to‘rtinchi o‘rinni egalladi. "Match TV" telekanali muxbirining Safonovning dunyoning eng kuchli posbonlari qatoridan joy olganiga qanday baho berishi haqidagi savoliga Murad Musayev juda qisqa va lo‘nda javob qaytardi.
U o‘z shogirdining muvaffaqiyatidan juda xursand ekanligini ta’kidladi. Eslatib o‘tamiz, o‘tgan mavsumda Matvey Safonov Parijning "PSJ" klubida asosiy darvozabonga aylandi va raqobatchisi Lyuka Shevalye zaxirada qolishiga majbur bo‘ldi.
Safonov Fransiya chempionatidagi g‘alaba hamda Chempionlar ligasidagi muvaffaqiyatli o‘yinlari orqali jamoasining ketma-ket ikkinchi bor yevrokubok sovrinini qo‘lga kiritishida muhim rol o‘ynadi. Mutaxassislar uning bu darajaga yetib kelishini katta yutuq sifatida baholashmoqda.
Izohlar
0