Italiya terma jamoasining sobiq hujumchisi Alessandro Matri milliy jamoa bosh murabbiyligi uchun o‘z nomzodlari haqida fikr bildirdi. Bu haqda Euro-football.ru xabar berdi.
Bu haqda taniqli jurnalist Nikolo Skira xabar bermoqda. Aprel oyi boshida Jennaro Gattuzo Italiya terma jamoasi bosh murabbiyligidan iste’foga chiqqan edi.
Mutaxassis jamoani jahon chempionatiga olib chiqa olmadi. Eslatib o‘tamiz, Italiya terma jamoasi saralash bosqichining pley-off finalida Bosniya va Gersegovinaga penaltilar seriyasida imkoniyatni boy berib, mundial yo‘llanmasidan mahrum bo‘lgan edi.
Matrining fikricha, hozirgi og‘ir vaziyatda terma jamoani tajribali mutaxassislar qutqara oladi. "Konte va Allegri — terma jamoa bosh murabbiyligi uchun eng ideal nomzodlar.
Ularning har ikkisi muammolarni aniqlash va ularni bartaraf etish borasida katta mahoratga ega. Aynan mana shunday yondashuv hozirgi Italiya uchun juda zarur", — deya ta’kidladi Matri.
Ma’lumot uchun, ayni vaqtda Antonio Konte "Napoli" klubida faoliyat yuritmoqda. Massimiliano Allegri esa "Milan" bilan amaldagi shartnomaga ega.
Italiya futbol federatsiyasi hozircha yangi murabbiy borasida rasmiy bayonot bergani yo‘q.
