Myunxenning Bavariya klubi hamda Angliya milliy terma jamoasi hujumchisi Harri Keyn jahon futbolidagi eng nufuzli individual sovrin hisoblangan Oltin to‘p hamda klublar o‘rtasidagi eng nufuzli musobaqa – UYEFA Chempionlar ligasi haqida o‘zining samimiy va kutilmagan qarashlarini o‘rtoqlashdi. Bu haqda Zamin.uz xabar berdi.
Ispaniyaning nufuzli AS nashriga bergan intervyusida angliyalik to‘purar shaxsiy muvaffaqiyatlar va individual e’tirofga nisbatan jamoaviy g‘alabalarning ahamiyati ustunroq ekanligini ta’kidladi. Keynning fikricha, futbol bu avvalo kollektiv o‘yin bo‘lib, unda erishilgan har qanday yutuq butun tarkibning mehnati mahsulidir.
U shaxsiy statistika va individual sovrinlar o‘yinchining mahoratini ko‘rsatib berishi mumkin bo‘lsa-da, Chempionlar ligasi kubogi kabi jamoaviy sovrinlar futbolchining faoliyatidagi eng oliy maqsad bo‘lishi lozimligini qayd etdi. Futbolchining so‘zlariga ko‘ra, u faoliyatining ushbu bosqichida aynan jamoa bilan birgalikda yirik g‘alabalarni nishonlashni va klub tarixida muhim iz qoldirishni eng katta sharaf deb biladi.
Ushbu bayonot tajribali hujumchining professional yondashuvi va jamoaviy birlikka bo‘lgan sadoqatini yaqqol namoyon etadi.
Izohlar
0