Ertaga, 12 noyabr kuni Toshkent shahrida futbol bo‘yicha O‘zbekiston milliy terma jamoasi Rossiya terma jamoasiga qarshi navbatdagi xalqaro o‘rtoqlik uchrashuvini o‘tkazadi. Bu haqda Zamin.uz xabar berdi.
Mazkur bellashuv ikki mamlakat futbol federatsiyalari o‘rtasidagi hamkorlik doirasida tashkil etilayotgan muhim sport tadbiri hisoblanadi. O‘yin oldidan milliy jamoamiz bosh murabbiyi Fabio Kannavaro jurnalistlar uchun matbuot anjumanini o‘tkazdi.
Tadbir davomida mutaxassis bo‘lajak raqibning kuchli tomonlari, jamoaning taktika borasidagi tayyorgarligi hamda tarkibdagi o‘zgarishlar haqida batafsil ma’lumot berib o‘tdi. Fabio Kannavaro o‘z chiqishida Rossiya terma jamoasini agressiv va yuqori darajada intizomli jamoa deb ta’rifladi.
Uning so‘zlariga ko‘ra, murabbiylar shtabi raqibning o‘yin uslubini chuqur tahlil qilgan va shogirdlari oldiga aniq vazifalar qo‘yilgan. O‘zbekiston terma jamoasi ushbu bahsda muxlislar ko‘magida sifatli o‘yin ko‘rsatishni va ijobiy natijaga erishishni maqsad qilgan.
Mazkur uchrashuv futbolchilarning tajribasini oshirish hamda kelgusi rasmiy musobaqalarga tayyorgarlik ko‘rish bosqichida muhim ahamiyat kasb etadi.
Izohlar
0