Fransiya chempionatining 31-turi doirasida o'tkazilgan "Brest" va "Lans" jamoalari o'rtasidagi uchrashuv kutilmagan natija bilan yakunlandi. Bu haqda Euro-football.ru xabar berdi.
Mazkur bahs muxlislarga ham dramatik voqealar rivojini, ham tarixiy statistikani taqdim etdi. O'yinning birinchi bo'limi "Brest" jamoasining to'liq ustunligi ostida o'tdi va tanaffusga qadar mezbonlar uchta gol farqi bilan oldinda borayotgan edi.
Biroq uchrashuvning ikkinchi qismida "Lans" futbolchilari muvozanatni tiklashga muvaffaq bo'ldi. Yakuniy hisob — 3:3.
Shu tariqa, "Brest" Fransiya chempionati (Liga 1) tarixida 2012-yildan buyon birinchi bo'limda uchta to'p farqi bilan g'alaba qozonib, yakunda g'alabani qo'ldan chiqargan ilk klubga aylandi. So'nggi bor bunday holat 2012-yilning oktyabr oyida qayd etilgan edi.
O'shanda "Ayaks" jamoasi "Loryan" bilan bahsda tanaffusga 4:1 hisobidagi ustunlik bilan yo'l olgan, ammo yakunda o'yin 4:4 hisobidagi durang bilan tugagan edi. "Brest" ushbu noqulay natija bilan Fransiya oliy ligasidagi 12 yillik anti-rekordni yangiladi.
