"Атлетик" учрашувлар учун чипта нархини арзонлатди

"Атлетик" клуби мавсумдаги мураккаб ўйинларини давом ettirmoqda. Bu haqda Euro-football.ru xabar berdi.

Одатда Европа турнирларида қатнашиш ҳуқуқини қўлга киритиб келган жамоа ҳозирда турнир жадвалида бор-йўғи ўн иккинчи ўринни эгаллаб турибди ва қуйи лигага тушиб кетмаслик учун ҳаракат қилмоқда. Клубга мухлисларнинг қўллаб-қувватлаши жуда зарур.

Шу сабабли "Атлетик" раҳбарияти ўз ишқибозлари учун ажойиб таклиф билан чиқди: мавсумнинг сўнгги учта уй ўйинига чипталар атиги 30 еврога сотилади. Бу дегани, ҳар бир учрашув учун атиги ўн евро сарфланади.

Испанияда, ҳаттоки Сегунда (иккинчи лига) ўйинларига ҳам чипталар, одатда, бундан қимматроқ туради. Гап шундаки, клуб сешанба куни бўлиб ўтадиган "Осасуна"га қарши учрашув, сўнгра 10 май куни "Валенсия"ни қабул қиладиган баҳс, ва бир ҳафтадан сўнг "Сельта" Виго жамоаси билан ўтказиладиган уй ўйинлари ҳақида кетмоқда.