O'zbekistonda turizm sohasini yanada rivojlantirish maqsadida, barcha turistik joylashtirish ob'ektlari, xususan, dala hovlilarining umumiy elektron ro'yxati yaratilmoqda. Bu orqali hududdagi dam olish maskanlarining faoliyati doimiy ravishda nazorat qilinadi va ularning xatlovidan o'tiladi. Ushbu yangi tartibga ko'ra, turistik dala hovlilarida dam oluvchi shaxslardan turistik yig'im undirilmaydi.
Shuningdek, tadbirkorlar uchun bunday maskanlarda xizmat ko'rsatish uchun maxsus litsenziya yoki ruxsatnoma olish majburiyati bekor qilinadi. Bu o'z navbatida, soha vakillari uchun ma'muriy to'siqlarni kamaytiradi va biznes faolligini oshiradi. Qonunchilikka rioya qilmay faoliyat yuritayotgan yoki ro'yxatga olinmagan ob'ektlar aniqlanishiga yordam beradigan tizim ham ishlab chiqilmoqda.
Fuqarolar tomonidan noqonuniy faoliyat yuritayotgan joylar haqidagi xabarlar qabul qilinadi va ma'lumot bergan shaxslar rag'batlantiriladi. Aniqlangan qoidabuzarliklar uchun undiriladigan jarima mablag'larining bir qismi, xabar bergan fuqaroga mukofot tarikasida to'lanishi rejalashtirilgan. Ushbu chora-tadbirlar turizm sohasidagi tartibni mustahkamlashga qaratilgan.
