Azoda 26 yoshga to'ldi
Aktrisa, xonanda va bloger Azoda o'zining 26 yoshini qarshi oldi. Bu haqda Zamin.uz xabar berdi. San'atkor ushbu voqeani Instagram ijtimoiy tarmog'idagi sahifasi orqali ma'lum qilib, bayram jarayonidan videolavhalarni muxlislari e'tiboriga havola etdi. U o'zining sahifasidagi postlardan biriga: «Xush kelding, 26 yoshim», deya izoh qoldirdi.
Tug'ilgan kun tantanalari san'atkorning yaqin do'stlari va dugonalari davrasida o'tkazildi. Bayram tadbiriga bir qator taniqli xonandalar ham tashrif buyurib, o'zlarining jonli ijrolari bilan qatnashchilarga kayfiyat ulashdi.
Mehmonlar orasida G'aybulla Tursunov va Yoqinxo'ja Umarov kabi ijodkorlar ham bor edi. Ijtimoiy tarmoq foydalanuvchilari izohlar bo'limida san'atkorni tabriklab, uning ijodiy faoliyati va tashqi ko'rinishiga nisbatan ijobiy fikrlarini yozib qoldirmoqda.
Ma'lumot o'rnida aytish joizki, Azoda 2000 yil 22 aprel kuni tug'ilgan. Hozirda u ham aktrisalik, ham xonandalik yo'nalishida faoliyat yuritib keladi.
