Majburiy ijro byurosining Qoraqalpog‘iston Respublikasi boshqarmasi hamda uning joylardagi bo‘linmalari soliq to‘lovlari bilan bog‘liq qarzdorliklarni qisqartirish yuzasidan tizimli chora-tadbirlarni amalga oshirdi. Bu haqda Zamin.uz xabar berdi.
Mazkur yo‘nalishdagi faoliyat tahlili shuni ko‘rsatadiki, joriy yilning o‘tgan davri mobaynida byuro xodimlari tomonidan umumiy qiymati 627 milliard 212 million so‘mni tashkil etuvchi 22 ming 773 ta ijro hujjati yurituvga olingan. Ko‘rilgan majburiy ijro choralari natijasida ushbu hujjatlarning barchasi bo‘yicha ijro ta’minlanishiga erishildi.
Xususan, mazkur jarayonlar doirasida davlat budjetiga amalda 312 milliard 742 million so‘m miqdoridagi mablag‘lar undirib olindi. Mintaqada soliq intizomini mustahkamlash va qarzdorliklarni bartaraf etish bo‘yicha olib borilayotgan bu kabi ishlar byuroning hududiy bo‘limlari tomonidan nazoratga olingan bo‘lib, qonuniy tartibda davom ettirilmoqda.
Maqsad belgilangan soliq tushumlarini to‘liq ta’minlash hamda qarzdorlik holatlarining oldini olishdan iboratdir.
Izohlar
0