Xitoy poytaxti Pekin shahrida o‘tkazilgan II Jahon gumanoid robotlar o‘yinlari doirasida texnologik taraqqiyotning navbatdagi bosqichi namoyish etildi. Bu haqda Zamin.uz xabar berdi.
Tadbir dasturidan o‘rin olgan robotlar o‘rtasidagi raqs musobaqalari ishtirokchilarning texnik imkoniyatlarini baholash uchun muhim maydon vazifasini o‘tadi. Musobaqa davomida gumanoid robotlar turli raqs uslublarini ijro etib, o‘zlarining muvozanat saqlash va murakkab harakatlarni amalga oshirish ko‘nikmalarini namoyish etdilar.
Tashkilotchilar tomonidan taqdim etilgan dastur ko‘cha raqsi, cherliding hamda raqs sporti kabi bir qator yo‘nalishlarni o‘z ichiga oldi. Ayniqsa, raqs sporti yo‘nalishi tomoshabinlar va ekspertlar diqqatini o‘ziga tortdi.
Mazkur yo‘nalishda ikki gumanoid robotdan iborat juftliklar o‘zaro bellashib, sinxron harakatlar va aniq texnik ijro bo‘yicha o‘z mahoratlarini ko‘rsatishdi. Mazkur musobaqa robototexnika sohasidagi yutuqlarni amaliyotda sinab ko‘rish va sun’iy intellektning jismoniy harakatlar boshqaruvidagi samaradorligini tahlil qilish imkonini berdi.
Tadbir xalqaro miqyosda gumanoid robotlarning kelajakda insonlar bilan bir qatorda turli sohalarda faoliyat yuritishi uchun zamin yaratayotganini tasdiqladi.
Izohlar
0