Sun'iy intellekt startaplari marketing mutaxassislarini faol jalb qilmoqda
Sun'iy intellekt yo'nalishidagi yirik startaplar hisoblangan OpenAI va Anthropic kompaniyalari o'z mahsulotlarini sotish hajmini oshirish maqsadida tajribali marketing mutaxassislarini ishga olmoqda. Bu haqda Zamin.uz xabar berdi. Texnologiyalar sohasida dasturchilar uchun raqobat an'anaviy ravishda yuqori bo'lsada, endilikda asosiy e'tibor korporativ mijozlar bilan ishlash ko'nikmasiga ega menejerlarga qaratilmoqda. 3dnews.ru nashrining yozishicha, har ikki kompaniya Salesforce, Snowflake va Datalog kabi yirik tashkilotlarning rahbar kadrlarini o'z safiga qo'shib olgan.
Xususan, Salesforce tarkibiga kiruvchi Slack platformasining sobiq rahbari Deniz Dresser OpenAI kompaniyasiga daromadlar bo'yicha direktor etib tayinlandi. Marketing bo'limlari rahbarlari korporativ muhitdagi keng aloqalari sababli sun'iy intellekt startaplari uchun strategik ahamiyatga ega hisoblanadi.
Bunday mutaxassislar dasturiy ta'minot va xizmatlarni yirik biznes vakillariga sotish jarayonini tezlashtiradi. Anthropic kompaniyasi faoliyatining boshidanoq biznes bozoriga yo'naltirilgan bo'lsa, OpenAI ushbu segmentga yaqin vaqt ichida jiddiy e'tibor qaratdi.
2024 yil yanvar oyi holatiga ko'ra, OpenAI umumiy daromadining 40 foizini aynan korporativ sektordan olgan. Yil yakuniga qadar mazkur ko'rsatkich 50 foizdan oshishi prognoz qilinmoqda.
Noyabr oyidagi hisobotlarga ko'ra, kompaniyaning butun dunyo bo'ylab biznes foydalanuvchilari soni 1 mln nafardan ortdi.
