Bananning inson salomatligiga ta’siri uning pishib yetilish darajasiga bevosita bog‘liq. Bu haqda Zamin.uz xabar berdi.
MSN nashri VnExpress manbasiga tayanib ma’lum qilishicha, mazkur mevaning turli bosqichlari organizm uchun turlicha foydali xususiyatlarga ega. Xususan, hali pishib ulgurmagan yashil bananlar tarkibida ichak mikroflorasi faoliyatini yaxshilashda muhim ahamiyat kasb etuvchi chidamli kraxmal miqdori yuqori bo‘ladi.
O‘z navbatida, sariq rangga kirgan pishgan bananlar oshqozon-ichak tizimi tomonidan oson hazm qilinishi bilan ajralib turadi va inson organizmini qisqa vaqt ichida zarur energiya bilan ta’minlash xususiyatiga ega. Qobig‘ida qo‘ng‘ir tusli dog‘lar paydo bo‘lgan, ya’ni me’yoridan ortiq pishgan bananlarda esa antioksidantlar konsentratsiyasi boshqa bosqichlarga qaraganda yuqoriroq darajada qayd etiladi.
Shu tariqa, bananning iste’mol qilinadigan holati uning tarkibidagi moddalar ta’sirini belgilab beradi va har bir bosqich muayyan fiziologik ehtiyojlarni qondirishga xizmat qiladi.
Izohlar
0