Islandiyalik Feliks Gretarsson hayotini tubdan o‘zgartirgan fojiali voqea 1998 yilning 12 yanvarida yuz bergan edi. Bu haqda Zamin.uz xabar berdi.
O‘sha vaqtda 26 yoshda bo‘lgan yigit yuqori kuchlanishli elektr tarmog‘ida texnik xizmat ko‘rsatayotgan chog‘ida kuchli elektr toki urishi oqibatida og‘ir jarohat oldi va har ikki qo‘lidan ayrildi. The Guardian nashri ma’lumotlariga ko‘ra, mazkur baxtsiz hodisadan naq 23 yil o‘tib, tibbiyot tarixida yangi sahifa ochildi.
2021 yilning 13 yanvar kuni Fransiyaning Lion shahridagi Eduard Errio shifoxonasida jarrohlar jamoasi Feliks Gretarssonga dunyoda ilk bor ikki qo‘l va yelkani birgalikda ko‘chirib o‘tkazish bo‘yicha noyob va murakkab operatsiyani muvaffaqiyatli amalga oshirdi. Ushbu tibbiy muolaja transplantologiya sohasidagi eng muhim yutuqlardan biri sifatida e’tirof etildi hamda bemorning kelgusi hayot sifatini yaxshilashga qaratilgan dadil qadam bo‘ldi.
Shifokorlarning uzoq yillik izlanishlari va murakkab jarrohlik amaliyoti natijasida Gretarsson zamonaviy tibbiyot imkoniyatlari tufayli yangi hayot boshlash imkoniga ega bo‘ldi.
Izohlar
0