Rossiyaliklarning chet elga koʻchish qiziqishi keskin oshdi

“Vedomosti” nashriga koʻra, Rossiya fuqarolarining boshqa davlatlarga koʻchib oʻtish haqidagi internet qidiruvlari soni soʻnggi oylarda keskin oshgan. Bu haqda Zamin.uz xabar berdi.

“Yandeks Vordstat” statistikasiga asosan, yanvar oyida ushbu mavzuda 19 600 ta soʻrov boʻlsa, fevralda 22 900 taga, martda esa 40 000 tagacha koʻtarilgan. Tahlil shuni koʻrsatadiki, koʻpchilik foydalanuvchilar hal qilishdan oldin batafsil maʼlumot toʻplayapti.

Soʻnggi tendensiya shundaki, rossiyaliklar Belarusga qiziqishni kuchaytirgan. Soʻnggi haftalarda Belarusga koʻchish bilan bogʻliq soʻrovlar 20 000 martadan oshdi.

Fuqarolar yashash sharoiti, xarajatlar va hujjatlar tartibini oʻrganmoqda. Bu holat, odamlarning qaror qabul qilishdan oldin ehtiyotkorlik bilan harakat qilayotganini, ammo boshqa imkoniyatlarni faol qidirishni davom ettirganini koʻrsatadi.