«Nyukasl» afsonasi Alan Shirer Angliya Premyer ligasining (APL) navbatdagi turi yakunlariga ko‘ra o‘zining haftalik ramziy terma jamoasini tuzdi. Bu haqda Euro-football.ru xabar berdi.
Ushbu ro‘yxat turnir matbuot xizmati tomonidan taqdim etilgan. Shirer talqiniga ko‘ra haftaning eng yaxshi o‘yinchilari ro‘yxatidan quyidagi futbolchilar joy oldi: Darvozabon: Bernd Leno («Fulxem»).
Himoyachilar: Jeyms Jastin («Lids»), Van Deyk («Liverpul»), Eyden Xeven («Manchester Yunayted»), Adrien Tryuffer («Bornmut»). Yarim himoyachilar: Bernardu Silva, Rayan Sherki (ikkalasi ham — «Man Siti»), Morgan Gibbs-Uayt («Nottingem Forest»), Xavi Simons («Tottenxem»).
Hujumchilar: Xoland («Man Siti»), Olli Uotkins («Aston Villa»). Ushbu ramziy jamoaga «Man Siti» ustozi Gvardiola bosh murabbiy etib tayinlandi.
Mutaxassis qo‘l ostidagi jamoa so‘nggi turda «Arsenal» ustidan 2:1 hisobida g‘alaba qozonib, chempionlik poygasida muhim qadamni tashladi. Shirerning ta’kidlashicha, «shaharliklar» ushbu g‘alaba orqali turnir jadvalidagi o‘z mavqeyini sezilarli darajada mustahkamlab olgan.
