Fransiya futbol federatsiyasi sobiq prezidenti Jan-Pyer Eskalett vafot etdi

Fransiya futbol federatsiyasi (FFF) sobiq prezidenti Jan-Pyer Eskalett 90 yoshda vafot etdi. Bu haqda Euro-football.ru xabar berdi.

Bu haqda federatsiyaning rasmiy veb-saytida xabar qilindi. Jan-Pyer Eskalett o‘z faoliyatini Bordoning universitet jamoasida boshlagan, keyinchalik esa pastki ligalarda "Riberak" klubi safida to‘p surgan.

Futbolchi sifatidagi karyerasini yakunlagach, u ushbu klubda murabbiy sifatida ish boshlagan. Eskalett 1985-yilda Fransiya futbol federatsiyasiga qo‘shilgan va besh yil ichida bosh kotib lavozimiga ko‘tarilgan.

Shuningdek, u mamlakatdagi havaskorlar futbolini boshqarish uchun mas'ul shaxs bo‘lib ishlagan. 2005-yilda Jan-Pyer Eskalett FFF prezidenti lavozimiga tayinlandi va ushbu postda besh yil davomida faoliyat yuritdi.

Uning rahbarlik davrida Fransiya terma jamoasi 2006-yildagi Jahon chempionati finaliga yo‘l ochgan, biroq g‘oyabdam Italiya jamoasiga mag‘lub bo‘lgan. Shuningdek, terma jamoa 2008-yilgi Yevropa chempionatida ishtirok etdi.

Eskalett boshqaruvidagi federatsiya moliyaviy jihatdan muhim strategik qarorlarni ham qabul qildi: 2008-yilda FFF "Adidas" kompaniyasi bilan hamkorlikni yakunlab, "Nike" brendi bilan yanada foydaliroq shartnoma imzoladi. Uning prezidentlik muddati futbolchilarning Nikolya Anelkani terma jamoadan chiqarib tashlagani ustidan boshlangan noroziliklar fonida yakunlangan edi.