"Borussiya" himoya liniyasini Portugaliya futbolchilari bilan kuchaytirmoqchi

Germaniyaning Dortmund shahridagi "Borussiya" klubi kelgusi mavsum uchun himoya liniyasini kuchaytirish ustida ish olib bormoqda. Bu haqda Euro-football.ru xabar berdi.

Maisfutebol nashrining xabar berishicha, nemis klubi Senegal terma jamoasi vakili Ibrayim Ba bilan dastlabki muzokaralarni boshladi. Hozirda 20 yoshli futbolchi Portugaliyaning "Famalikann" klubi safida faoliyat yuritmoqda.

Ma'lumotlarga ko'ra, "Famalikann" rahbariyati o'zining istiqbolli himoyachisi uchun jami 25 million yevro miqdoridagi transfer badalini so'ramoqda, bunda 5 million yevro bonuslar ko'rinishida nazarda tutilgan. Ibrayim Ba Ugo Oliveyra boshchiligidagi jamoaning asosiy tarkibiga kiruvchi muhim futbolchilardan biri hisoblanadi.

Uning hissasiga Portugaliya chempionatida rekord darajadagi beshinchi o'rinni egallagan jamoaning muvaffaqiyatlari bor. Futbolchi 2025-26 yilgi mavsumda rasmiy o'yinlarda 22 marta maydonga tushib, bitta gol urgan.

Shu bilan birga, "Borussiya"ning qiziqishida Portugaliya chempionatida to'p surayotgan yana bir yosh markaziy himoyachi — fransiyalik Bastyen Myupiyu bor. 20 yoshli futbolchi Angliyaning "Vulverhempton" klubiga tegishli bo'lib, hozirda ijara asosida "Alverki" jamoasida faoliyat ko'rsatmoqda.