"Real" Shlotterbekni yozda sotib olish imkoniyatiga ega

Dortmundning "Borussiya" klubi himoyachisi Niko Shlotterbek jamoa bilan shartnomasini uzaytirdi. Bu haqda Euro-football.ru xabar berdi.

26 yoshli futbolchi va klub o'rtasida imzolangan yangi mehnat shartnomasi 2031-yilning o'rtalarigacha amal qiladi. Biroq, ushbu kelishuvning ba'zi muhim tafsilotlari ma'lum bo'ldi.

Jurnalist Florian Plettenbergning ijtimoiy tarmoqlardagi xabariga ko'ra, yangi kontraktda sotib olish bandi (buy-out clause) ko'zda tutilgan. Ushbu imkoniyatdan kelgusi yoz mavsumidanoq foydalanish mumkin bo'ladi.

Shuni ta'kidlash joizki, ushbu bandni faqat ma'lum bir klublar aktivlashtira oladi. Xususan, "Bavariya" ushbu ro'yxatga kirmagan, ammo Madridning "Real" klubi futbolchini sotib olish imkoniyatiga ega.

Himoyachining taxminiy qiymati 50 milliondan 60 million yevrogacha belgilangan. Niko Shlotterbek "Borussiya" safida jami 156 ta o'yin o'tkazgan.

Ushbu davr mobbiligida u 10 ta gol urib, jamoadoshlariga 18 ta golli uzatmani amalga oshirdi. Futbolchi klubning mudofaasidagi asosiy tayanchlardan biri hisoblanadi.